ఆమె హృదయం కనుబొమలపై కుదురుగా కుర్చుని,
సిగ్గు ముగ్గులు గీస్తున్న చిలిపి నడుము కి వెచ్చని సంకేతాలు పంపుతుంది.
నుదురు లో కరిగిపోయిన ముద్దు అణువణువునా ఆమె ను గిలిగింతల నదిలా గిచ్చుతుంది.
గుండెల మీద పడ్డ కురులు అక్కడి చిలిపి ఊసులను వింటూ
రాత్రి రాయబారాల వేకువ వెలుగులకు ఊపిరి పోస్తునాయి.
కౌగిలి ఒడిలో ప్రకృతి కూడా ప్రేమ రంగులద్దుకుంది.
విచ్చుకున్న పెదాలు మౌనపు రహస్యాలను ,
మందహాస తేనే జల్లులుగా అతని వేడి ఊపిరికి సాయం చేస్తున్నాయి.
హృదయ స్పందనల
మాటలను వినలేని వస్త్ర జాతి, మేను పలకరింతలను ఆపలేక పోతున్నాయి.
కనిపించని తన్మయత్వపు నీడ ఒడిలో ఒద్దికగా కలిసి తడిసిన జంట చినుకులు వీరు.
వీరి మద్య ఊపిరాడని గాలి దూర తీరాలకు పారిపోయింది.
చందమామ ని తాకడానికి కౌగిలి అతి దగ్గర దారేమో అనిపిస్తుంది.
ఆమె,అతను ప్రేమ జతను
కౌగిలి కిరీటం రాజ్యమేలుతుంది.
